देशात निवडणूक आयोगाकडून लोकसभेच्या
निवडणुका जाहीर झाल्या. त्यानुसार महाराष्ट्रातील निवडणुक हि एकूण पाच टप्प्यात
होणार आहे. निवडणुकांच्या घोषणाबरोबरच विविध पक्ष व गठबंधन यांच्यात मतदार
संघासाठी रस्सीखेच सुरु झाल्याचे दिसते. महाराष्ट्रात मुख्यत: दोन निवडणूक आघाड्या
दिसतात. त्यापैकी एक शरद पवार -उद्धव ठाकरे प्रणीत महाविकास आघाडी असून दुसरी
भाजपाप्रणीत महायुती..यात एक तिसरा महत्वाचा घटक
आहे, तो म्हणजे सध्यातरी स्वत: निवडून न येता एकाला जिंकवून
देणारा तर दुसऱ्याला हरविणारा. बहुजन वंचित आघाडी (बविआ) हा तो घटक होय. मागच्या
निवडणुकाप्रमाणेच यावर्षीच्या निवडणुकामध्ये बविआ हाच
महत्वाचा घटक ठरू शकतो. बहुजन वंचित आघाडीची ठाकरे
-पवार आघाडी सोबत युती होवू नये. यासाठी अदृश्य खेळ व वाटाघाटी चालू असणे हे
राजकारणात नवे असे काही नाही. तर दुसरीकडे महाविकास आघाडीचा वंचितला किती जागा
द्यायच्या हा घोळ असून त्यांना स्वत:चेच मतदारसंघ वाटप करण्यात अडचणी येत असून
महायुतीला सुध्दा त्याच प्रश्नाला सामोरे जावे लागत आहे.
