बाळासाहेब एकदा एका सभेत दलित नेत्याविषयी म्हणाले होते की तुम्हाला
काय भांडायचे असेल ते भांडा, चाटा, समाजाचे वाटोळे करा. नाहीतरी काय केल तुम्ही
समाजासाठी?. बाबासाहेबांची भीमशक्ती वाया जात आहेच ना!. आंबेडकरी चळवळीची कालची व आजची
राजकीय दुर्दर्शा व फाटाफूट बघितली तर बाळासाहेब जे म्हणाले त्यात खरेपणा होता हे
कोणीही नाकारू शकणार नाही. एक आंबेडकरवादी व विश्लेषक म्हणून मला तर ते मुळातच
नाकारता येणार नाही.
बाळासाहेबासारखा स्पष्टवक्ता, त्यांनी घेतलेल्या भूमिकेवर ठामपणे
कायम राहणे हा त्यांचा स्वभाव देशाच्या कोणत्याही राजकारण्यात आढळत नाही. रोखठोक
बोलणारे व काहीही झाले तरी त्यावर कायम राहनारे बाळासाहेब देशात एकमेव नेते होते.
ते महाराष्ट्रातील आजच्या काळातील सर्वात लोकप्रिय नेते होते.
कोणत्याही राजकीय नेत्याला सत्तापदांचा कायम मोह
असतो. सत्ता दिसू लागली की तो हपापतोच परंतु बाळासाहेबांना सत्ता मिळूनही ते कधी
सत्तेत गेले नाहीत. ते कार्यकर्त्यांना मोठे करीत राहिले. त्यांनी सामान्य, बेरोजगार
व चौकात चीडीमारी करणा-या सामान्य मराठी माणसांना त्यांनी नेते व मंत्री बनविले. बिनचेह-याच्या
मराठी तरुणांना त्यांनी बळ दिल होत. बाळासाहेबांचं हे वैशिष्ट्यपूर्ण व्यक्तिमत्व होत.
बाळासाहेबाच्या जाण्याने आता "मराठी
माणसा'चे काय होणार”?. हा एक मोठा प्रश्न काही लोकांच्या मनात निर्माण होणे साहजिकच आहे. शिवसेनेने
मराठी माणसाला नेमके काय दिले किंवा मराठी राज्याचे काय भले केले?. यावर काहीजण
वाद करतीलही हा राजकीय जमाखर्चा भाग आहे. शिवसेनेने मराठी माणसाला मुंबईत
सातत्याने भावनिक आधार दिला, त्याला अस्तित्वाचे अदृश्‍य बळ
पुरविले, हे कुणाला नाकारता येणार नाही. त्यांच्यामुळेच
मुंबई महाराष्ट्रात टिकून आहे. अन्यथा मुंबई अन्य लोकांची झाली असती. यशवंतराव चव्हाण
ते शरद पवार यांच्यापर्यंत अन्य प्रदेशातील मुंबईत येणारे लोंढे अडवून ठेवण्याची
ताकद नव्हती. बाळासाहेब नसते तर मुंबई ही तामिळ, मल्याळी, तेलगू व भैय्यांची झाली
असती हे कोणी नाकारू शकतील का?. बाळासाहेब महाराष्ट्राचे ढाण्या वाघ होते. अशा
मोठ्या ताकदीच्या नेत्यास सलाम करण्यावाचून राहवत नाही.
बाळासाहेबांना माझी ही भावपूर्ण श्रंध्दाजली.
बापू राऊत
No comments:
Post a Comment